काठमाण्डौ । नेप्सेमा युनिभर्सल पावर कम्पनी लि.( युपीसीएल) ले ह्याट्रिक गरेको छ ।
मंगलबार नेप्सेमा युनिभर्सल पावर कम्पनी लि.( युपीसीएल) ले टर्नओभर, भोल्युम र ट्रान्जेक्सन गरी कुल ३ वटैमा सर्वाधिक स्थान ओगट्दै ह्याट्रिक गरेको हो ।
नेप्सेका अनुसार युनिभर्सल पावर कम्पनी लि.( युपीसीएल)को मात्रै मंगलबार ६३ करोड ५८ लाख १९ हजार २३ रुपैयाँ बराबरको कारोबार भएको छ । यस्तै युनिभर्सल पावर कम्पनी लि.( युपीसीएल)कै १४ लाख ३४ हजार ३४१ कित्ता शेयर किनबेच भएको नेप्सेले बताएको छ । साथै आजकै दिन सो कम्पनीको ३ हजार ९१९ पटक कारोबार भएको नेप्सेले जनाएको छ । यसरी टर्नओभर, भोल्युम र ट्रान्जेक्सन गरी कुल ३ वटैमा सर्वाधिक स्थान ओगट्दै ह्याट्रिक गरेको हो ।
यससँगै युनिभर्सल पावर कम्पनी लि.( युपीसीएल) को मंगलबार प्रतिकित्ता रु.४५८ कायम भएको छ,जसमा आज मात्रै सो कम्पनीको शेयरमूल्य रु.३०.४१ वृद्धि भएको नेप्सेले जनाएको छ ।
मंगलबार युनिभर्सल पावर कम्पनी लि.( युपीसीएल)को दिनभरिमा रु.३४४ मा निक्कै धेरै कारोबार भएको थियो । कारोबारको अन्तिम सत्रतिर भने मूल्य थप उकालो लाग्यो । सो कम्पनीको पछिल्लो हाई रु.४४५ लाई टर्नओभरसहित ब्रेक गरेका हुनाले मंगलबार शेयर कारोबारीहरुका लागि निकै हटस्टक बन्यो । शेयर बजारमा पछिल्ला केही दिनमा राधी (हाल राधीको मूल्य रु.८०० आसपास रहेको छ । जुन छोटो समयमै शेयरमूल्य दोब्बर भएको हो ।) को मूल्यवृद्धिलाई पछ्याउने हल्लाका बीच मूल्य बढिरहेको जानकारहरु जिकिर गर्छन् । कारोबारीहरुको नजरमा रहेको यो स्टकमा ब्रेकआउट भएकाले आगामी दिनमा थप उचाई लिन्छ वा लिदैंन भन्ने विषय चाहिँ बजारका स्वयं लगानीकर्ताहरुकै निर्णयमा भर पर्दछ ।
यो पनि पढ्नुस : कमजोर बजारमा मिड क्याप हाइड्रोले दियो ३ दिनमै १० प्रतिशत रिटर्न !
चेतावनी : यो समाचारले तपाईं उत्तेजित हुन सक्नुहुन्छ । शेयर बजार जोखिमले भरिपूर्ण भएकाले स्वविवेकमा लगानी गर्न आग्रह गर्दछौँ ।
सावधान : यहाँ प्रदान गरिएको जानकारी केबल जानकारीको लागि मात्र दिइएको छ । यहाँ यो उल्लेख गर्न जरुरी छ कि बजारमा लगानी बजार जोखिमको अधीनमा हुन्छ । लगानीकर्ताको रूपमा पैसा लगानी गर्नु अघि सधैं विशेषज्ञको सल्लाह लिनुहोस् । अर्थबिट डटकम यहाँ कसैलाई पैसा लगानी गर्न सल्लाह दिदैन। स्वविवेक र स्वअध्ययनमा लगानी गर्न आग्रह गर्दछौं ।
.jpeg)
