काठमाण्डौ । पियोर इनर्जी लि.को शेयरमूल्य ओरालो लाग्न थालेको छ ।
आइतबार पियोर इनर्जी लिमिटेडको शेयरमूल्यमा १० प्रतिशत गिरावट आएको छ ।
पियोर इनर्जीको आज एकैदिन सर्वाधिक १० प्रतिशत अर्थात् प्रतिकित्ता रु. १०८.६२ शेयरमूल्य घटेको हो ।
गत साता बिहीबार पियोर इनर्जीको मूल्य हालसम्मकै सर्वाधिक रु.१३२७.९० पुगेको थियो । सोही दिन पनि उक्त कम्पनीको मूल्य १० प्रतिशतले गिरावट आउँदा रु. १०८६ मा बन्द भएको थियो । कम्पनीको मूल्य ओरालो लाग्ने क्रम आज आइतबार पनि जारी नै छ । हालसालै आइपीओ निष्कासन गरी दोस्रो बजारमा कारोबार भइरहेको पियोर इनर्जीको मूल्य २ कारोबारमै रु.३५० घटिसकेको छ ।
नेप्सेमा सूचीकृत भई कारोबार सुरु हुँदा रकेटको गतिमा मूल्य उकालो लाग्ने र १५–२० दिनमा मूल्य ओरालो लाग्न थालेपछि भने आधा घट्ने गरेको ट्रेण्ड छ । शेयर आपूर्ति कम हुने भएकाले सुरुमा मूल्य उचालिने तर पछि भने मूल्य जसरी बढेको थियो त्यसरी नै पछारिने गरेको छ ।
पियोर इनर्जीको शेयरमूल्य पनि १४ सय नजिक पुगेको र अन्य कम्पनीको ट्रेण्ड हेर्दा बजारमा आधासम्म शेयरमूल्य झर्ने गरेको जानकारहरु तर्क गर्छन् । सोही अनुरुप पियोर इनर्जीको पनि ६–७०० भन्दा तल ओर्लिने सम्भावना प्रबल रहेको जानकारहरुको जिकिर छ ।
.jpeg)
