.gif)
काठमाण्डौ । धितोपत्र कारोबार मापक नेप्से परिसूचक सामान्य अंकले बढेको छ । आइतबारको तुलनामा कारोबार रकम भने घटेको छ ।
शेयर कारोबार हुने साताको दोस्रो दिन सोमबार नेप्से परिसूचक ५.०१ अंकको वृद्धिका साथ २९ सय ३६ दशमलव ५६ विन्दू कायम भएको छ । आइतबार २३.६ अर्ब रुपैयाँको शेयर खरिदबिक्री भएकोमा सोमबार भने १५.७९ अर्बमा सीमित भएको छ ।
परिसूचक सामान्य अंकले बढ्नु तर भोल्युम घट्नुलाई त्यत्ति सुखद संकेतका रुपमा लिइदैंन ।
बजारको पछिल्लो संरचना निक्कै महत्वपूर्ण मोडमा पुगेको छ ।
बजार परिसूचक २९ सय ४० को रेसिस्टेन्स जोनमा देखिन्छ । बजारमा बलियो बुलिस मोमेन्टम छ । भोल्युम पनि बढेकाले खरिदकर्ताहरु सक्रिय रहेको देखिन्छ ।
बजार २९ सय ४० देखि २९ सय ६० को सेरोफेरोमा मुख्य आपूर्ति जोन हो । यदि ब्रेकआउट भएमा मात्रै ३ हजार ५० सम्मको सम्भावना देखिन्छ ।
बजारले २८ सय ५० लाई सपोर्ट लेभल बनाएको छ । बलियो सपोर्ट जोन भने २७ सय ८० को क्षेत्र हो ।
यदि बजार २९ सय ४० ब्रेकआउट वा दैनिक क्लोजिङ्ग भएमा ३ हजार ५० सम्म पुग्ने सम्भावना बढी छ । जसमा मोमेन्टम र्याली लगातार हुनेछ । बैंकिङ्ग, हाइड्रो र मिडक्याप चल्ने सम्भावना रहन्छ ।
बजार २९ सय ४० को जोनमा रिजेक्सन भयो भने बजार २८ सयसम्मको पुलब्याक आउनसक्छ । जसलाई स्वस्थ करेक्सनका रुपमा बुझ्दै खरिद अवसरका रुपमा लिन सकिन्छ ।
बजार अहिले निकै महत्वपूर्ण क्षेत्रमा छ । अझ सामान्य भाषामा भन्नुपर्दा बजार अहिले ब्रेकआउटको ठीक अगाडि छ ।
अहिले सीधै शेयर खरिद गर्नुभन्दा ब्रेकआउट कन्फर्म वा अलिक तल करेक्सनमा खरिद गर्नु उपयुक्त हुनेछ ।
चेतावनी ः यो समाचारले तपाईं उत्तेजित हुन सक्नुहुन्छ । शेयर बजार जोखिमले भरिपूर्ण भएकाले स्वविवेकमा लगानी गर्न आग्रह गर्दछौँ ।
सावधान ः यहाँ प्रदान गरिएको जानकारी केबल जानकारीको लागि मात्र दिइएको छ । यहाँ यो उल्लेख गर्न जरुरी छ कि बजारमा लगानी बजार जोखिमको अधीनमा हुन्छ । लगानीकर्ताको रूपमा पैसा लगानी गर्नु अघि सधैं विशेषज्ञको सल्लाह लिनुहोस् । अर्थबिट डटकम यहाँ कसैलाई पैसा लगानी गर्न सल्लाह दिदैन। स्वविवेक र स्वअध्ययनमा लगानी गर्न आग्रह गर्दछौं ।
