सुनचाँदीको मूल्य स्थिर

काठमाण्डौ।सुनचाँदी बजारमा साताको दोस्रो कारोबार दिन आज सोमबार छापावाल सुनको मूल्य प्रतितोला रु. ९८ हजार तोकिएको छ । अघिल्लो दिन प्रतितोला रु ९८ हजारमा कारोबार भएको पहेंलो धातु आज स्थिर बसेको हो । 

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. ९७ हजार ५०० तोकिएको छ । यसको मूल्य अघिल्लो दिन पनि प्रतितोला रु ९७ हजार ५०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा घटबढ नभई प्रतितोला एक हजार २७० रुपैयाँमा नै कामय भएको महासङ्घले जनाएको छ ।

अन्तर्राष्ट्रिय बजारमा आज सुन प्रतिऔँस एक हजार ८५४.६२ डलर र चाँदी झण्डै २२ डलर आसपास कारोबार भइरहेको छ ।