.gif)
काठमाण्डौ । सोमबार ८३ अंकले सुधार भएको बजार मंगलबार झिनो अंकले घटेको छ ।
मंगलबार नेप्से परिसूचक २.६३ विन्दूले घटेर २७ सय ५७ कायम भएको हो । परिसूचकमा झिनो गिरावटसँगै कारोबार रकमसमेत घटेको छ । यो दिन कुल ३४५ कम्पनीका ६ अर्ब ७४ करोड रुपैयाँ बराबरको शेयर खरिदबिक्री भएको थियो ।
बजार अहिले २७ सय ५० देखि २७ सय ८० को रेन्जमा कन्सोलिडेसन भइरहेको देखिन्छ । वियरिस दबाब घट्दै गइरहेको बजारमा बुलिस कन्फर्मेसन समेत नभएको अवस्था हो । बजार भोलाटाइल नै रहने सम्भावना छ ।
बजारले २७ सय २० को सपोर्ट लेभल बनाएको देखिन्छ । रेसिस्टेन्स जोन २७ सय ९० देखि २८ सय ३० रहेको छ ।
भोलि बुधबार साइडवेजबाट तङ्ग्रिदै बुलिस ट्रेण्ड समाउने सम्भावना धेरै छ ।
यदि बजार २७ सय २० माथि टिक्यो भने २८ सय ३० सम्मको बाउन्स आउनसक्छ ।
यदि बजारले २७ सय २० तल ब्रेकडाउन गरेमा २६ सय ५० तिर झर्न सक्छ ।
बुधबार बजारमा सानो हरियो क्याण्डल नै बन्ने वा रिकभरी क्याण्डल बन्ने सम्भावना प्रबल छ । ठूलो मुभ नभई बजारले सानो बाउन्स लिनेछ ।
बजार अहिले ठ्याक्कै भन्नुपर्दा करेक्सनपछिको कन्सोलिडेसन फेजमा छ । यस्तो जोनमा स्मार्ट पैसाको एकुमुलेसन हुने सूक्ष्म अध्ययले देखाउँदछ ।
यो बेला प्यानिक हुने हुँदै होइन । उचित योजना तथा रणनीतिका साथ कारोबार गर्ने समय भने अवस्य हो ।
चेतावनी : यो समाचारले तपाईं उत्तेजित हुन सक्नुहुन्छ । शेयर बजार जोखिमले भरिपूर्ण भएकाले स्वविवेकमा लगानी गर्न आग्रह गर्दछौँ ।
सावधान : यहाँ प्रदान गरिएको जानकारी केबल जानकारीको लागि मात्र दिइएको छ । यहाँ यो उल्लेख गर्न जरुरी छ कि बजारमा लगानी बजार जोखिमको अधीनमा हुन्छ । लगानीकर्ताको रूपमा पैसा लगानी गर्नु अघि सधैं विशेषज्ञको सल्लाह लिनुहोस् । अर्थबिट डटकम यहाँ कसैलाई पैसा लगानी गर्न सल्लाह दिदैन। स्वविवेक र स्वअध्ययनमा लगानी गर्न आग्रह गर्दछौं ।
.jpg)
