अप्रयुक्त भूमिहरू पहिचान गरी खेतीका लागि प्रयोग गर्न निर्देशन

काठमाण्डौ।श्रीलङ्काका राष्ट्रपति गोटाबाया राजापाक्षेले  सरकारी अधिकारीहरूलाई वृक्षरोपण कम्पनीहरूको स्वामित्वमा रहेका सबै अप्रयुक्त भूमिहरू पहिचान गरी खेतीका लागि प्रयोग गर्न निर्देशन  दिनुभएको राष्ट्रपतिको मिडिया डिभिजन (पीएमडी) ले शनिबार जनाएको छ ।  श्रीलङ्काले आगामी महिनामा खाद्यान्न अभावको सामना गर्नुपर्ने चेतावनी सार्वजनिक  भएपछि राष्ट्रपतिले यो निर्णय लिएको बताइएको छ । 

"वृक्षरोपण कम्पनीहरूसँग ९, ००० हेक्टर भन्दा बढी खेती नगरिएको जमिनको स्वामित्व छ। 

श्रीलङ्काले अप्रिल २०२१ मा रासायनिक मलको प्रयोगमा प्रतिबन्ध लगाउने निर्णय गरेपछि कृषि उत्पादनमा तीव्र गिरावट आएको हो । रासायनिक मलमाथिको प्रतिबन्ध फुकुवा भएको र आगामी कृषि  यामका लागि पर्याप्त मात्रामा मल खरिद गर्न विभिन्न देशसँग छलफल भइरहेको मन्त्रीपरिषद्ले जनाएको छ ।