सुनचाँदीको भाउ घट्यो,कतिमा हुँदैछ कारोबार?

काठमाण्डौ।सुनचाँदी बजारमा साताको चौथो कारोबार दिन बुधबार आज छापावाल सुनको मूल्य प्रतितोला रु. ९७ हजार ३०० तोकिएको छ । अघिल्लो दिन प्रतितोला रु ९७ हजार ७०० मा कारोबार भएको पहेंलो धातु आज प्रतितोला रु ४०० ले ओरालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. ९६ हजार ८०० तोकिएको छ । यसको मूल्य अघिल्लो दिन प्रतितोला रु ९७ हजार २०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.१० ले घटेर रु. एक हजार २५५ मा आएको महासङ्घले जनाएको छ ।

अन्तर्राष्ट्रिय बजारमा आज सुन प्रतिऔँस एक हजार ८२५ डलर र चाँदी २१ डलर आसपास कारोबार भइरहेको छ ।