आज पनि घट्यो सुनचाँदीको भाउ, कतिमा हुँदैछ कारोबार?

काठमाण्डौ।सुनचाँदी बजारमा साताको दोस्रो कारोबार दिन आज छापावाल सुनको मूल्य प्रतितोला रु. ९४ हजार ५०० तोकिएको छ । अघिल्लो दिन प्रतितोला रु. ९५ हजार १०० मा कारोबार भएको पहेंलो धातु आज प्रतितोला रु. ६०० ले ओरालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. ९४ हजार तोकिएको छ । यसको मूल्य अघिल्लो दिन प्रतितोला रु. ९६ हजार ६०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.१५ ले घटेर रु.एक हजार १४५ मा आएको महासङ्घले जनाएको छ ।