बढ्यो सुनचाँदीको मूल्य,कतिमा हुँदैछ कारोबार ?

काठमाण्डौ।सुनचाँदी बजारमा साताको पहिलो कारोबार दिन आज छापावाल सुनको मूल्य प्रतितोला रु. ९३ हजार ६०० तोकिएको छ । अघिल्लो दिन प्रतितोला रु. ९३ हजारमा कारोबार भएको पहेंलो धातु आज प्रतितोला रु. ६०० ले उकालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. ९३ हजार १०० तोकिएको छ । यसको मूल्य अघिल्लो दिन प्रतितोला रु. ९२ हजार ५०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.५ ले बढेर रु.एक हजार ११० पुगेको महासङ्घले जनाएको छ ।