सुनचाँदीको मूल्यमा सामान्य वृद्धि,कतिमा हुँदैछ कारोबार ?

काठमाण्डौ।सुनचाँदी बजारमा साताको पहिलो कारोबार दिन आज छापावाल सुनको मूल्य प्रतितोला रु. ९१ हजार ८०० तोकिएको छ । गत शुक्रबार प्रतितोला रु. ९१ हजार ५०० मा कारोबार भएको पहेंलो धातु आज प्रतितोला रु. ३०० ले उकालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. ९१ हजार ३०० तोकिएको छ । यसको मूल्य अघिल्लो दिन प्रतितोला रु. ९१ हजार थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.१५ ले बढेर रु.एक हजार १८५ पुगेको महासङ्घले जनाएको छ ।