घट्यो सुनचाँदीको भाउ,कतिमा हुँदैछ किनबेच ?

काठमाण्डौ।सुनचाँदी बजारमा साताको दोस्रो कारोबार दिन आज छापावाल सुनको मूल्य प्रतितोला रु. ९१ हजार ४०० तोकिएको छ । अघिल्लो दिन प्रतितोला रु. ९१ हजार ८०० मा कारोबार भएको पहेंलो धातु आज प्रतितोला रु. ४०० ले ओरालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. ९० हजार ९०० तोकिएको छ । यसको मूल्य अघिल्लो दिन प्रतितोला रु. ९१ हजार ३०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.१० ले घटेर रु.एक हजार १७५ मा आएको महासङ्घले जनाएको छ ।