सुनचाँदीको मूल्यमा झिनो वृद्धि, कतिमा हुँदैछ किनबेच?

काठमाण्डौ।सुनचाँदी बजारमा साताको तेस्रो कारोबार दिन आज छापावाल सुनको मूल्य प्रतितोला रु. ९३ हजार ४०० तोकिएको छ । अघिल्लो दिन प्रतितोला रु. ९३ हजार ३०० मा कारोबार भएको पहेंलो धातु आज प्रतितोला रु. १०० ले उकालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. ९२ हजार ९०० तोकिएको छ । यसको मूल्य अघिल्लो दिन प्रतितोला रु. ९२ हजार ८०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.२० ले बढेर रु.एक हजार १८० पुगेको महासङ्घले जनाएको छ ।