सुनचाँदीको मूल्यमा झिनो गिरावट, कतिमा हुँदैछ कारोबार?

काठमाण्डौ।सुनचाँदी बजारमा साताको दोस्रो कारोबार दिन आज छापावाल सुनको मूल्य प्रतितोला रु. ९७ हजार २०० तोकिएको छ । अघिल्लो दिन प्रतितोला रु. ९७ हजार ३०० मा कारोबार भएको पहेंलो धातु आज प्रतितोला रु. १०० ले ओरालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. ९६ हजार ७०० तोकिएको छ । यसको मूल्य अघिल्लो दिन प्रतितोला रु. ९६ हजार ८०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.५ ले घटेर रु.एक हजार २९५ मा आएको महासङ्घले जनाएको छ ।