सुनको मूल्यमा झिनो गिरावट, चाँदीको स्थिर

काठमाण्डौ।सुनचाँदी बजारमा साताको तेस्रो कारोबार दिन आज छापावाल सुनको मूल्य प्रतितोला रु. ९७ हजार ४०० तोकिएको छ । अघिल्लो दिन प्रतितोला रु. ९७ हजार ५०० मा कारोबार भएको पहेंलो धातु आज प्रतितोला रु. १०० ले ओरालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. ९६ हजार ९०० तोकिएको छ । यसको मूल्य अघिल्लो दिन प्रतितोला रु. ९७ हजार थियो । त्यस्तै आज चाँदीको मूल्य अघिल्लो कारोबार मूल्यमै रु.एक हजार २८५ मा आएको महासङ्घले जनाएको छ ।