निरन्तर उकालो लाग्दै सुनको भाउ,चाँदी तोलाको १४ सय पुग्यो

काठमाण्डौ।सुनचाँदी बजारमा साताको पहिलो कारोबार दिन आज छापावाल सुनको मूल्य प्रतितोला रु. १ लाख  ५०० तोकिएको छ । अघिल्लो दिन प्रतितोला रु. १ लाख ३०० मा कारोबार भएको पहेंलो धातु आज प्रतितोला रु. २०० ले उकालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. १ लाख तोकिएको छ । यसको मूल्य अघिल्लो दिन प्रतितोला रु. ९९ हजार ८०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.१० ले बढेर रु.एक हजार ४०० पुगेको महासङ्घले जनाएको छ ।