बिहेको सिजन सकिएसँगै ओरालो लाग्यो सुनचाँदीमो भाउ,कतिमा हुँदैछ कारोबार?

काठमाण्डौ।सुनचाँदी बजारमा साताको अन्तिम कारोबार दिन आज छापावाल सुनको मूल्य प्रतितोला रु. ९९ हजार ९०० तोकिएको छ । अघिल्लो दिन प्रतितोला रु.१ लाख ३०० मा कारोबार भएको पहेंलो धातु आज प्रतितोला रु. ४०० ले ओरालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. ९९ हजार ४०० तोकिएको छ । यसको मूल्य अघिल्लो दिन प्रतितोला रु. ९९ हजार ८०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.१० ले घटेर रु.एक हजार ३७० मा आएको महासङ्घले जनाएको छ ।