सुनको मूल्यमा झिनो वृद्धि हुँदा चाँदी स्थिर,कतिमा हुँदैछ किनबेच?

काठमाण्डौ।सुनचाँदी बजारमा साताको पहिलो कारोबार दिन आज छापावाल सुनको मूल्य प्रतितोला रु.१ लाख ५०० तोकिएको छ । गत शुक्रबार प्रतितोला रु.१ लाख ३०० मा कारोबार भएको पहेंलो धातु आज प्रतितोला रु. २०० ले उकालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु.१ लाख तोकिएको छ । यसको मूल्य गत शुक्रबार प्रतितोला रु. ९९ हजार ८०० थियो । त्यस्तै आज चाँदीको मूल्य गत शुक्रबारकै मूल्य रु.एक हजार ३९० कायम भएको महासङ्घले जनाएको छ ।