सुनको मूल्यमा झिनो वृद्धि हुँदा आज पनि चाँदी स्थिर, कतिमा हुँदैछ किनबेच?

काठमाण्डौ।सुनचाँदी बजारमा साताको तेश्रो कारोबार दिन आज छापावाल सुनको मूल्य प्रतितोला रु.१ लाख ७०० तोकिएको छ । अघिल्लो दिन प्रतितोला रु. १ लाख ५०० मा कारोबार भएको पहेंलो धातु आज प्रतितोला रु. २०० ले उकालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु.१ लाख २०० तोकिएको छ । यसको मूल्य अघिल्लो दिन प्रतितोला रु.१ लाख थियो । त्यस्तै आज चाँदीको मूल्य अघिल्लो कारोबार मूल्यमै रु.एक हजार ३९० कायम भएको महासङ्घले जनाएको छ ।