बढ्यो सुनचाँदीको भाउ, कतिमा हुँदैछ कारोबार?

काठमाण्डौ।सुनचाँदी बजारमा साताको अन्तिम कारोबार दिन आज छापावाल सुनको मूल्य प्रतितोला रु.१ लाख १ हजार ४०० तोकिएको छ । अघिल्लो दिन प्रतितोला रु. १ लाख ९०० मा कारोबार भएको पहेंलो धातु आज प्रतितोला रु. ५०० ले उकालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु.१ लाख ९०० तोकिएको छ । यसको मूल्य अघिल्लो दिन प्रतितोला रु.१ लाख ४०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.१५ ले बढेर रु.एक हजार ३९५ कायम भएको महासङ्घले जनाएको छ ।