सुनचाँदी दुवैमा मूल्य बढ्यो, कतिमा हुँदैछ किनबेच?

काठमाण्डौ।सुनचाँदी बजारमा साताको दोस्रो कारोबार दिन आज छापावाल सुनको मूल्य प्रतितोला रु.१ लाख ५ हजार ३०० तोकिएको छ । अघिल्लो दिन प्रतितोला रु. १ लाख ५ हजारमा कारोबार भएको पहेंलो धातु आज प्रतितोला रु. ३०० ले उकालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु.१ लाख ४ हजार ८०० तोकिएको छ । यसको मूल्य अघिल्लो दिन प्रतितोला रु.१ लाख ४ हजार ५०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.५ ले बढेर रु.एक हजार ३८० कायम भएको महासङ्घले जनाएको छ ।