सुनको मूल्यमा झिनो गिरावट,चाँदी स्थिर

काठमाण्डौ।सुनचाँदी बजारमा साताको चौथो कारोबार दिन आज छापावाल सुनको मूल्य प्रतितोला रु.१ लाख ६ हजार २०० तोकिएको छ । अघिल्लो दिन प्रतितोला रु. १ लाख ६ हजार ३०० मा कारोबार भएको पहेंलो धातु आज प्रतितोला रु. १०० ले ओरालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु.१ लाख ५ हजार ७०० तोकिएको छ । यसको मूल्य अघिल्लो दिन प्रतितोला रु.१ लाख ५ हजार ८०० थियो । त्यस्तै आज चाँदीको मूल्य अघिल्लो कारोबार मूल्यमै स्थिर भई रु.एक हजार ३६५ कायम भएको महासङ्घले जनाएको छ ।