सुनको मूल्यमा निरन्तर उछाल,कतिमा हुँदैछ किनबेच?

काठमाण्डौ।सुनचाँदी बजारमा साताको पाँचौं कारोबार दिन आज छापावाल सुनको मूल्य प्रतितोला रु.१ लाख ६ हजार ९०० तोकिएको छ । अघिल्लो दिन प्रतितोला रु. १ लाख ६ हजार २०० मा कारोबार भएको पहेंलो धातु आज प्रतितोला रु.७०० ले उकालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु.१ लाख ६ हजार ४०० तोकिएको छ । यसको मूल्य अघिल्लो दिन प्रतितोला रु.१ लाख ५ हजार ७०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.१५ ले बढेर रु.एक हजार ३८० पुगेको महासङ्घले जनाएको छ ।