सुनको भाउ पुनः उकालो लाग्यो,चाँदी भने स्थिर

काठमाण्डौ।सुनचाँदी बजारमा साताको दोश्रो कारोबार दिन आज छापावाल सुनको मूल्य प्रतितोला रु.१ लाख ६ हजार ३०० तोकिएको छ । अघिल्लो दिन प्रतितोला रु. १ लाख ६ हजारमा कारोबार भएको पहेंलो धातु आज प्रतितोला रु. ३०० ले उकालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु.१ लाख ५ हजार ८०० तोकिएको छ । यसको मूल्य अघिल्लो दिन प्रतितोला रु.१ लाख ५ हजार ५०० थियो । त्यस्तै आज चाँदीको मूल्य भने अघिल्लो कारोबार मूल्यमै स्थिर रही रु.एक हजार ३६५ कायम भएको महासङ्घले जनाएको छ ।