सन् २०२२ मा ईयूको रोजगारी दर ७५ प्रतिशत

ब्रसेल्स।सन् २०२२ मा युरापेली सङ्घ (ईयू) को २० देखि ६४ वर्ष उमेर समूहका ७५ प्रतिशत (१९ करोड ३५ लाख) युवाले रोजगारी पाएका ईयूले जनाएको छ ।

यो सन् २००९ मा रोजगारी दर रेकर्ड गर्न शुरू भए यताकै सबैभन्दा बढी हो ।

कोभिड–१९ महामारीका कारण सन् २०२० मा रोजगारीको दर ७२ प्रतिशतमा झरेको थियो । तर, सन् २०२१ मा यो दर ७३ प्रतिशतमा पुगेको र सन् २०२२ मा थप २ प्रतिशत बिन्दुले वृद्धि भएको हो ।

ईयू देशहरू मध्ये, ११ मा रोजगार दर ७८ प्रतिशतभन्दा माथि रहेको बताइएको छ । 

सामाजिक अधिकारको युरोपेली स्तम्भको २०३० कार्य योजनामा निर्धारित तीन लक्ष्यहरू मध्ये एक, नेदरल्याण्ड्समा (८३ प्रतिशत), स्वीडेन र इस्टोनियामा ( ८२ प्रतिशत) सहित उच्चतम अवस्थामा छ । ईयू सदस्य राष्ट्रमध्ये सबैभन्दा कम रोजगारी दर इटालीमा ६५ प्रतिशत, ग्रीसमा ६६ प्रतिशत र रोमानियामा ६९ प्रतिशत रहेको देखिएको छ । 

सन् २०२२ मा ईयूको अधिक योग्यता दर २२ प्रतिशत रहेको थियो, जसमा पुरुष २१ प्रतिशत र महिला २३ प्रतिशत थियो ।

ईयू मुलुकमध्ये स्पेनमा सबैभन्दा बढी (३६ प्रतिशत), ग्रीस र साइप्रस दुबैमा ३२ प्रतिशत अधिक योग्यता दर रहेको छ ।

अधिक योग्यता दर लक्जेम्बर्गमा ७ प्रतिशत, स्वीडेन, डेनमार्क, हङ्गेरी र चकोस्लोभाकिया हरेकमा १४ प्रतिशत अर्थात् सबैभन्दा कम अधिक योग्यता दर देखिएको छ ।

ईयूका २७ देशमध्ये १९ मा पुरुषको तुलनामा महिलामा बढी योग्यताको दर देखिएको छ ।