काठमाण्डौ । नेपाल स्टक एक्सचेञ्ज लि.(नेप्से) ले नेपाल लाइफ इन्स्योरेन्स कम्पनी लि.को नयाँ शेयरमूल्य निर्धारण गरेको छ ।
कम्पनीले लाभांश तथा साधारणसभा प्रयोजनार्थ बुधबार बुक क्लोज गरेसँगै नेप्सेले शेयरमूल्य समायोजन गरेको हो ।
नेपाल स्टक एक्सचेञ्ज लि.(नेप्से) ले नेपाल लाइफ इन्स्योरेन्स कम्पनी लि.को १० प्रतिशत बोनस शेयरको समायोजनपछि नयाँ शेयरमूल्य रु.७६०.०९ तोकेको छ । कम्पनीको बुधबार कायम अन्तिम शेयरमूल्य रु.८३६.१० को आधारमा शेयरमूल्य समायोजन गरेको हो ।
कम्पनीले गत आवको वितरणयोग्य मुनाफाबाट शेयरधनीहरुलाई १० प्रतिशत बोनस शेयर र ११.०५ प्रतिशत नगद लाभांश(बोनस शेयर र नगद लाभांशको करसहित) वितरण गर्ने प्रस्ताव गरेको हो ।
