काठमाण्डौ । साताको दोस्रो कारोबार दिन सोमबार नेप्से परिसूचक सामान्य अंकका गिरावटका साथ कारोबार रकममा समेत संकुचन आएको छ ।
आइतबार ४७.५५ अंकले बढेको शेयर बजारमा ५.५३ अर्ब रुपैयाँ हाराहारीमा कारोबार भएको थियो । आज सोमबार भने १०.५३ अंकले गिरावट आएको यो दिन ८५ कम्पनीको शेयरमूल्य बढ्यो भने १६५ कम्पनीको मात्रै घटेको छ । ९ कम्पनीको मूल्य भने स्थिर रहेको थियो ।
हाल बजार सूचकांक करिब २६ सय २३ रहेको छ । बजार अहिले साइडवेज कन्सोलिडेसन फेजमा रहेको छ । ठूलो अपट्रेण्डपछि आएको करेक्सन अझै पूर्ण रुपमा सकिएको छैन ।
माथिल्लो स्तरमा लोवर हाई बनाइरहेको देखिन्छ । स्पष्ट बुलिस रिभर्सलको संकेत अझै देखिएको छैन । हालको बढाई केबल टेक्निकल बाउन्सजस्तो मात्रै देखिन्छ ।
बजारले २६ सय देखि २५ सय ८० को लेभललाई बलियो सपोर्ट बनाएको छ । यो पनि ब्रेक भए २४ सय ८० सम्म झर्ने प्रबल सम्भावना रहन्छ ।
परिसूचक २६ सय ६० देखि २६ सय ८० बीच रेजिस्टेन्स लेभल बनाएको बजारमा यसलाई पनि ब्रेक गरेर माथि २७ सय ५० सम्म जाने सम्भावना रहन्छ ।
भोल्युम घट्दो अवस्थामा छ । बलियो आक्रमक खरिद दबाब अझै देखिएको छैन । ब्रेकआउट आउन भोल्युम कन्फर्मेसन आवश्यक पर्दछ ।
सूचकांक २६ सयमाथि टिकेमा बजार फेरि माथि जानसक्छ । २६ सय ८० माथि ब्रेक भए २७ सय ५० माथि आशा गर्न सकिन्छ ।
बजार अहिले निर्णयकै चरणमा छ । ब्रेकआउट वा ब्रेकडाउन नआएसम्म सतर्क भएर ट्रेड गर्नुपर्छ ।
चेतावनी : यो समाचारले तपाईं उत्तेजित हुन सक्नुहुन्छ । शेयर बजार जोखिमले भरिपूर्ण भएकाले स्वविवेकमा लगानी गर्न आग्रह गर्दछौँ ।
सावधान : यहाँ प्रदान गरिएको जानकारी केबल जानकारीको लागि मात्र दिइएको छ । यहाँ यो उल्लेख गर्न जरुरी छ कि बजारमा लगानी बजार जोखिमको अधीनमा हुन्छ । लगानीकर्ताको रूपमा पैसा लगानी गर्नु अघि सधैं विशेषज्ञको सल्लाह लिनुहोस् । अर्थबिट डटकम यहाँ कसैलाई पैसा लगानी गर्न सल्लाह दिदैन। स्वविवेक र स्वअध्ययनमा लगानी गर्न आग्रह गर्दछौं ।
.jpg)
