.gif)
काठमाण्डौ।अब ड्राइभिङ लाइसेन्स नागरिक एपमा लिङ्क गर्न सकिने भएको छ ।
सरकारले सम्भव भएसम्मका सबै सरकारी सेवा सुविधा एउटै एपबाट दिने गरी ल्याएको नागरिक एपको पछिल्लो अपडेट आएको छ । यो नयाँ अपडेटसँगै अब ड्राइभिङ लाइसेन्स नागरिक एपमा लिङ्क गर्न सकिने भएको हो ।
सरकारको मुख्य एपको रुपमा रहेको नागरिक एपले ब्लुबुक नवीकरण सुविधासँगै यो नयाँ फिचर समेत ल्याएको हो । यसका लागि नागरिक एपमा ड्राइभिङ लाइसेन्स नामक नयाँ आइकन थपिएको छ ।
त्यसमा दबाएर आफ्नो सवारीचालक अनुमतिपत्र एपमा लिङ्क गर्न सकिनेछ । यति मात्र होइन, मतदाता परिचयपत्र, नागरिकता र राहदानी जस्तै अब ड्राइभिङ लाइसेन्सबाट समेत नागरिक एपको खाता खोल्न सकिनेछ । एन्ड्रोइडमा आइसकेको यो नयाँ अपडेट आईओएसका लागि भने केही दिन कुर्नुपर्नेछ ।
निकट भविष्यमा नागरिक एपबाटै त्यसको नवीकरण तथा राजस्व भुक्तानी गर्न सकिने सुविधा समेत उपलब्ध हुने बताइएको छ ।
.jpg)
