.gif)
काठमाण्डौ।धितोपत्रको दोश्रो बजार सञ्चालक नेपाल स्टक एक्सचेञ्ज(नेप्से)ले शेयर कारोबार गर्न मिल्ने मोबाइल एप लन्च गर्ने भएको छ ।
नेप्सेको टीएमएस(ट्रेडिङ मेनेजमेन्ट सिस्टम)अन्तर्गत मोबाइलबाटै सहजपूर्ण तवरले शेयर किनबेच गर्न एप लन्च गर्ने भएको हो ।
हाल मोबाइलमा टीएमएस चलाउन सहज र उचित नभएकाले मोबाइल फ्रेमवर्कमार्फत शेयर कारोबारका लागि एप लन्च हुने भएको नेप्सेस्थित एक उच्च अधिकारीले जानकारी दिए । “हाल नेप्सेका सीइओ,बोर्ड मेम्बर,कर्मचारीलगायत बिदेश भ्रमणको कार्यक्रम भएकाले एप लन्चमा केही ढिलाई भइरहेको तर वहाँहरु आएपछि लन्च गर्ने तयारीमा हामी छौँ”,ती अधिकारीले दाबी गरे ।
नेप्सेले बनाउन लागिरहेको मोबाइल एप भने नट्सकै भेण्डर कम्पनी वाईको प्रालिले ५ लाख रुपैयाँमा बनाएको छ । हाल एन्ड्रोइड सिस्टममा मात्रै आवद्ध गराउन लागिएको उक्त एपबाट सहजै तवरले शेयर खरिदबिक्री गर्न मिल्ने बताइएको छ । मार्केट डेप्थ,अर्डर,ट्रेडलगायतका जानकारी उक्त एपमा राखिएको छ ।
नेप्सेले एप लन्च गरेपछि हाल धितोपत्रको दोस्रो बजारमा १५ लाख बढी शेयर लगानीकर्ता लाभान्वित हुनेछन् । शेयर कारोबार मोबाइलमैत्री भएसँग धितोपत्र बजारको विस्तार हुने अपेक्षा गरिएको छ । एपमार्फत शेयर कारोबार सहज भएमा कारोबार र कारोबार रकम पनि बढ्ने बताइएको छ ।
.jpg)
