सुनको भाउमा गिरावट,कतिमा हुँदैछ किनबेच?

काठमाण्डौ।सुनचाँदी बजारमा साताको पाँचौं कारोबार दिन आज छापावाल सुनको मूल्य प्रतितोला रु.१ लाख २ हजार ५०० तोकिएको छ । अघिल्लो दिन प्रतितोला रु. १ लाख ३ हजारमा कारोबार भएको पहेंलो धातु आज प्रतितोला रु. ५०० ले ओरालो लागेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु.१ लाख २ हजार तोकिएको छ । यसको मूल्य अघिल्लो दिन प्रतितोला रु.१ लाख २ हजार ५०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु.१० ले घटेर रु.एक हजार २८५ मा आएको महासङ्घले जनाएको छ ।