.gif)
काठमाण्डौ । गत साताको बिहीबार नेप्से परिसूचक ७.२४ विन्दूले घटेर २२ सय ५५ दशमलव ८४ विन्दू कायम हुन पुगेकोमा ८.१७ अर्ब रुपैयाँ हाराहारी शेयर कारोबार भएको थियो । शेयर बजारको घटबढमा लगानीकर्ताहरुको मनोविज्ञानले पनि मुख्य भूमिका खेल्दछ । यसै सिलसिलामा अर्थबिटले लगानीकर्ताका केही प्रतिनिधि मनोविज्ञान समेट्ने कोशिस गरेको छ ।
पवित्र ज्ञवाली सिग्देल
आज आइतबार सुरुको पहिलो घण्टा बजारमा करेक्सन देखिए तापनि अन्ततः बजार बढ्छ । बिहीबारको बिक्री चाप आज आइतबारको पहिलो घण्टामा निरन्तरता पाउँछ । मार्केट लाइभमा विभिन्न सामाजिक सञ्जालमार्फत लगानीकर्ताहरुलाई दिग्भ्रमित बनाउने कार्यहरु हुनसक्छ जसबाट सजग हुन नयाँ लगानीकर्ता साथीहरुलाई आग्रह गर्दछु ।
पूजा सापकोटा भट्टराई
आज फस्र्ट आवर बजार घटेर त्यसपछि चाहिँ बजार बढ्छ जस्तो लाग्दछ । चौतर्फी सकारात्मक माहौल भएकाले बजार माथि नै जाने मेरो अनुमान हो । तल ओरालो झर्ने क्रम रोकिएर माथि उकालो नै लाग्ने आंकलन गर्न सकिन्छ । मेरो विचारमा घट्दै गइरहेको ब्याजदर,अधिक तरलता,राष्ट्र बैंकको केही लचकता आदि कारणले बजार बढ्नु नै पर्ने हो जस्तो लाग्छ ।
अनु शर्मा
पछिल्लो समय बजारलाई कारोबारले समेत बलियो साथ दिइरहेको कारण नेप्से परिसूचक माथि नै जाने मेरो अपेक्षा छ । आज चाहिँ इन्ट्रा डे करेक्सन हुँदै बजारले उकालै गति लिन्छ कि जस्तो लाग्छ । बजारमा सकारात्मक समाचारको साथ पनि छ । अन्यत्र लगानी गर्नेहरु पनि हिजोआज शेयर बजारमा प्रवेश भइरहेको देखेकी छु जसले गर्दा पनि बजारले थप सकारात्मक लय समात्ने मेरो अनुमान छ ।
नोट : यो विश्लेषण केबल अध्ययन प्रयोजनार्थ मात्रै हो । सीमित लगानीकर्ताहरुको मनोविज्ञान समेट्ने हाम्रो प्रयास शेयर बजारमा खरिदबिक्री गर्ने निर्णयका लागि भने नभएको स्पष्ट पार्न चाहन्छौँ । स्वविवेकमा शेयर लगानी गरौँ ।
.jpg)
