.gif)
काठमाण्डौ । निजी क्षेत्रको हवाई सेवा प्रदायक कम्पनी यती एयरलाइन्सले ७२ सिट क्षमताका दुई ‘एटिआर–७२–५००’ विमान भित्र्याएको छ ।
दुवै विमान बिहीबार साँझ त्रिभुवन अन्तर्राष्ट्रिय विमानस्थलमा अवतरण गरेको यती एयरलाइन्का प्रवक्ता सुदर्शन बर्तौलाले जानकारी दिनुभयो ।
यतीले एकैपटक दुई विमान थपेको हो । यो सँगै यतीसँग एटीआर–७२ विमान सात पुगेको छ । आज थपिएका दुई जहाजको क्रमशः ‘९एन–एओएफ’ र ‘९एन–एओएच’ नेपाली दर्ता नम्बर रहेको छ । एकसाताभित्रै विमानले उडान गर्ने जनाइएको छ ।
एशियन लाइफ इन्स्योरेन्स लिमिटेडले यति एयरलायन्सको ४९ प्रतिशत शेयर स्वामित्व लिएको छ । नयाँ साझेदारका रुपमा एशियन लाइफ भित्रिएसँगै १ वर्षभित्र ५ वटा नयाँ जहाज किन्ने योजना मुताविक नै हिजो २ वटा जहाज थपिएका हुन् । यसैबीच यति एयरलाइन्सले समेत ६ महिनाभित्रै बुक बिल्डिङ्गमार्फत शेयर जारी गर्ने तयारीसमेत गरेको छ ।
.jpg)
