.gif)
काठमाण्डौ।अब रियल टाइममा सेयर रोक्का फुुकुवा हुने भएको छ ।
हाल सेयर धितो रोक्का तथा फुकुवा गर्न २ दिन समय लाग्दै गरेकोमा अब भने स्टक ब्रोकर कम्पनीबाट रियल टाइममा नै सेयर रोक्का फुकुवा हुने भएको छ ।
सिडिएस एण्ड क्लियरिङ्ग लिमिटेडका सीइओ पूर्ण प्रसाद आचार्यले ढिलोमा साउन १ गतेसम्म रियल टाइममा नै धितोपत्रको रोक्का फुकुवा हुने व्यवस्था हुन लागेको जानकारी दिए ।
यसैगरी सिडिएससीले तयार पारेको आइटी पोलिसी धितोपत्र बोर्डसमक्ष पेश गरेको र बोर्डबाट स्वीकृत भएपछि स्टक ब्रोकर कम्पनीलाई एपीआईसमेत दिईने सीइओ आचार्यले बताए । न्यूतम शुल्कमा ब्रोकर कम्पनीहरुलाई एपीआई दिइसकेपछि आफ्ना ग्राहकहरुको होल्डिङ्ग पनि चेक गर्न सक्ने र क्लोजआउटको समस्या पनि रोकथाम हुने उनले बताए । “अहिले हामी युएटी गरिरहेका छौँ, हामी अन्तिम परीक्षणमा पनि छौँ । स्टक ब्रोकर कम्पनीहरुले पनि टीएमएस सञ्चालनमा ल्याउने तयारी गरेसँगै वहाँहरुको माग भएकाले हामीले एपीआई दिन गइरहेका र्छौँ”,उनले अर्थबिटसँग भने ।
रियल टाइममा धितोपत्र रोक्का तथा फुकुवा भएको खण्डमा बजार थप तरल हुने जानकार बताउँछन् । दैनिक करिब ६० लाख रुपैयाँ जति तरलता थपिने जानकारहरुको दाबीसमेत छ ।
.jpg)
