.gif)
काठमाण्डौ।मन्दाकिनी हाइड्रोपावर लिमिटेडले आउँदो साउन ९ गतेदेखि सर्वसाधारणका लागि आइपीओ निष्काशन गर्ने भएको छ।
कम्पनीले सर्वसाधारणका लागि ११ करोड ७६ लाख ७ हजार ३ सय रुपैयाँ बराबरको ११ लाख ७६ हजार ७३ कित्ता शेयर निष्काशन गर्न लागेको हो ।
जसमध्ये ५८ हजार ८ सय ३ कित्ता सामुहिक लगानी कोषहरुका लागि छुट्याईएको छ भने २३ हजार ५ सय २१ कित्ता शेयर कम्पनीका कर्मचारीको लागि छुट्याईएको छ । बाँकी रहेको १० लाख ९३ हजार ७ सय ४९ कित्ताको लागि सर्वसाधारणले आवेदन दिन सक्ने छन् । कम्पनीको प्राथमिक शेयर निष्काशनमा लगानीकर्ताले साउन १३ गतेसम्म आवेदन दिन सक्ने छन् ।
बिओके क्यापिटल शेयर निष्काशनको लागि बिक्री प्रबन्धकका रुपमा रहेको छ ।
कम्पनीले कास्कीमा ४ मेगावाट क्षमताको सार्दी खोला जलविद्युत आयोजना सम्पन्न गरी २०७४ मङ्सिरदेखि विद्युत उत्पादन गरिरहेको छ । आयोजनाको कुल लागत ८३ करोड १० लाख १२ हजार रुपैयाँ रहेको छ भने प्रति मेगावाट लागत २० करोड ७७ लाख रहेको छ ।
.jpg)
