नेप्सेमा २ कम्पनीका सवा ३३ लाख कित्ता शेयर सूचीकृत

काठमाण्डौ । नेपाल स्टक एक्सचेञ्ज लि.(नेप्से) मा २ कम्पनीको बोनस शेयर सूचीकृत भएको छ । 

बुधबार साहस ऊर्जा लि. र सगरमाथा जलविद्युत् कम्पनी लि.गरी कुल २ कम्पनीको बोनस शेयर नेप्सेमा सूचीकृत भएको हो । 

साहस ऊर्जा लि.को ८ प्रतिशतले हुन आउने कुल २८ लाख कित्ता र सगरमाथा जलविद्युत् कम्पनी लि.को ४.७५ प्रतिशतले हुन आउने ५ लाख ३२ हजार कित्ता बोनस शेयर सूचीकृत भएको नेप्सेले जानकारी दिएको छ ।