.gif)
काठमाण्डौ । हाइड्रोपावर कम्पनीहरुले बोनस शेयर वितरण गर्न अनिवार्य रुपमा विद्युत् नियमन आयोगको पूर्वस्वीकृति लिनुपर्ने भएको छ । आयोगले यही सातादेखि कडाईपूर्वक यो नयाँ व्यवस्था लागू गर्न लागेको हो ।
अबदेखि हाइड्रोपावर कम्पनीहरुले बोनस शेयर वितरण गर्दा विद्युत् नियमन आयोगको अनिवार्य पूर्वस्वीकृति लिनुपर्ने भएको छ ।
हाइड्रोपावर सेक्टरको नियमन गर्दै आएको आयोगले अघिल्लो साता नेपाल स्टक एक्सचेञ्जसँग आवश्यक समन्वय तथा सहजीकरणका लागि पत्र लेखेपछि यो विषयको खुलासा भएको हो ।
हाइड्रोपावर कम्पनीहरुले बोनस शेयर वितरण गर्दा विद्युत् नियमन आयोगको पूर्व स्वीकृति लिएर मात्रै बुक क्लोजको मिति तय गर्नुपर्ने नयाँ व्यवस्था कार्यान्वयन गर्नका लागि आयोगले नेप्सेसँग समन्वय गर्न अनुरोध गरिसकेको छ ।
यता नयाँ नियम कडाईपूर्वक कार्यान्वयनका लागि नेप्सेले पनि सूचीकृत सबै हाइड्रोपावर कम्पनीहरुलाई सचेत गराउने भएको स्र्रोत जिकिर गर्छ ।
स्रोतका अनुसार हाइड्रोपावर कम्पनीहरुले विद्युत् नियमन आयोगको स्वीकृति लिएपश्चात् बुक क्लोज मिति तय गर्न गराउन लागिएको छ ।
