एनआईबीएल समृद्धि फण्ड परिपक्व भएपछि इकाइधनीहरुको बैंक खातामा पैसा जम्मा, नयाँ बन्दमुखी योजना आउँदै

काठमाण्डौ।नेपाल इन्भेष्टमेण्ट बैंक लिमिटेड कोष प्रवद्र्धक रहेको तथा एनआईबीएल एस क्यापिटल लि. योजना व्यवस्थापक रही एनआईबीएल म्युचअल फण्ड अन्तर्गत सञ्चालनमा रहेको एनआईबीएल समृद्धि फण्ड १ गत पुस २२ गते परिपक्व भएको छ ।

“एनआईबीएल समृद्धि फण्ड १” ले आफ्नो इकाईधनीहरुले लगानी गरेको रकम यही चैत १३ गतेदेखि फिर्ता गरेको छ । फिर्ता भुक्तानी रकम प्रचलित कानुन बमोजिम कर कट्टा गरी इकाईधनीहरुको हितग्राही खातामा रहेकोे बैंक खातामा नै जम्मा गर्ने गरेको क्यापिटलले जानकारी दिएको छ । 

यस योजनाले १० रुपैयाँ अंकितदरका कुल १० करोड इकाईको सार्वजनिक निष्कासन गरेको थियो । योजनाको अन्तिम प्रति इकाई खुद सम्पत्ति मुल्य १२.७४ रुपैयाँ कायम भएको छ र सो अनुसारनै फिर्ता भुतmानी गरिएको छ । 

सञ्चालन अवधि ७ वर्ष रहेको यस योजनाले औषत वार्षिक १७.९९%प्रतिफल प्रदान गरेको छ । आर्थिक वर्ष २०७७/७८ मा यस योजनाका इकाईधनीहरुले सर्वाधिक ३५% नगद लाभांश पाएका थिए । आर्थिक वर्ष २०७२/७३, २०७३/७४, २०७४/७५, २०७५/७६ र २०७६/७७ मा भने क्रमशः १५५, १८५, १२५, ६.५५ र १२५ नगद लाभांश लगानीकर्ताहरुले पाएका थिए ।

हाल सम्म, यस क्यापिटलले “एनआईबीएल म्युचुअल फण्ड“ अन्तर्गत तीनवटा बन्दमुखी र एक खुलामुखी म्युचुअल फण्ड योजनाहरू सञ्चालनमा ल्याइसकेको छ । साथै नयाँ बन्दमुखी योजना एनआइबीएल ग्रोथ फण्ड नेपाल धितोपत्र बोर्डमा पेश भएर प्रारम्भिक चरणमा रहेको छ ।