सीटीसी मल लिलामीमा

काठमाण्डौ।इच्छाराज तामाङको सीटीसी मल लिलाम हुने भएको छ । 

कर्मचारी सञ्चय कोषले ३५ दिने सूचना निकालेर सीटीसी मल लिलामको प्रक्रिया सुरु गरेको हो ।

सिभिल इस्टेटस प्रालिको नाममा रहेको मलका पसल कवलहरु लिलाम गर्न सूचना जारी गरिएको छ। कोषले मलमा रहेका १३२ वटा पसल कवलहरु लिलाम गर्न आज सूचनासमेत निकालेको छ ।काठमाण्डौ महानगरपालिका ११ नम्बर वडाको सुन्धारामा निर्माण भएको कवलहरु लिलाम हुन लागेको हो । मल २४२४ कित्ता नम्बरमा ६ रोपनीमा बनेको छ ।

इच्छाराज तामाङको सिभिल सहकारीले सिभिल इस्टेट्स प्रालिको नामबाट लिएको २१ करोड नतिरेपछि कोषले लिलामीको सूचना निकालेको हो । कोषले यसअघि पनि सूचना निकालेर इच्छाराज तामाङको सिभिल सहकारीलाई ऋण तिर्न भनेको थियो ।

४६ करोड ठगी आरोपमा पक्राउ परेका सिभिल ग्रुपका अध्यक्ष इच्छाराज तामाङ अहिले प्रहरी हिरासतमा छन् । सिभिल सेभिङ एन्ड क्रेडिट कोअपरेटिभमा सर्वसाधारणले बचत गरेको पैसा हिनामिना गरेको आरोपमा तामाङ पक्राउ परेका थिए ।