बराह सहकारी पीडितहरु पुनः हर्क साम्पाङको शरणमा,सयौं सर्वसाधारण गर्जिए(भिडिओसहित)

धरान।धरानको बराह बचत तथा ऋण सहकारी संस्थाले हजारौं सर्वसाधारणबाट अरबौं रकम बचतका रुपमा उठाएर बचतकर्ताहरुको रकम फिर्ता नगरेपछि पीडितहरुले कार्वाहीको दायरामा ल्याउन दबाब दिएका छन् ।

आज आइतबार पुनः बराह सहकारी पीडितहरुले छानविन र सञ्चालकहरुको सम्पत्ति तत्काल रोक्का गर्न धरान उपमहानगरपालिकाका मेयर हर्क साम्पाङलाई भेटेका हुन् । 

बराह बचत तथा ऋण सहकारीले ५ हजार हाराहारी सदस्य र गैर सदस्यहरु करिब ८ हजार सर्वसाधारणबाट कुल ८ अर्ब रुपैयाँ बढी रकम बचतका रुपमा उठाइएको बताइएको छ । तर सहकारीमा आवद्ध शेयर सदस्य तथा गैर शेयर सदस्यबाट बचत गरिएको अरबौं रकम फिर्ता गर्न अटेर गरेको र पटक पटक भुक्तान दिने भन्दै झुक्याएपछि आजित भएका बचतकर्ताहरुले सहकारी विभाग र धरान उपमहानरपालिकामा न्यायका लागि भौंतिरदै आवाज बुलन्द गरिरहेका छन् । पीडितहरुले बराह सहकारीका सञ्चालक र व्यस्थापन समितिका पदाधिकारीहरुको तत्काल सम्पत्ति छानविन र बैंक खाता रोक्का गर्न आग्रह गर्दै आज मेयर हर्क साम्पाङसमक्ष पुनः पुगेका थिए ।

हेरौं सम्पूर्ण भिडिओः