धकधइमा निर्धन उत्थान लघुवित्तद्वारा बीमा क्षतिपूर्ति रकम वितरण

रुपन्देही।निर्धन उत्थान लघुवित्त वित्तीय संस्था लिमिटेड शाखा कार्यालय धकधइको आयोजनामा सोमबार रोहिणी गाउपालिका वार्ड न.एक चनुलिमा ग्रामीण कर्जा बीमा क्षतिपूर्ति रकम वितरण कार्यक्रम सम्पन्न भएको छ । 

रोहिणी गाउँपालिकास्थित चनुली गाउँमा भएको कार्यक्रममा शाखाको चनुली महिला समुहकी अध्यक्ष जडावती लोहारको प्रमुख आतिथ्य, शाखाको लेखापाल सुरेश बहादुर थारुको सञ्चलान मा कार्यक्रम सम्पन्न भएको थियो । कार्यक्रममा कर्मचारी दिपेन्द्र यादव र रेनु चौधरीले स्थानीय स्तरमा लघुवित्त सामाजिक उत्तरदायित्व अन्तर्गतका सम्पूर्ण सुविधाको बारेमा सहभागीहरुलाई अवगत गराएका थिए । 

स्व. रसबुन निशाको छोरा एकलाख अहमद खानलाइ बीमा क्षतिपूर्ति रकम रु. ६लाख पचास हजार मात्र शाखा प्रमुख जिबुप्रकाश सुवेदीले केन्द्र प्रमुखको रोहवरमा वितरण भएको थियो। कार्यक्रममा सुवेदीले २०५० साल पौष १ गते शाखा स्थापना भई शाखाले ३ दशकको अवधिमा धेरै सामाजिक कार्य गरिसकेको र अझै ग्राहकमैत्री सेवा दिन संस्था तत्पर रहेको चरम आर्थिक संकटको समयमा समेत ग्राहकमैत्री कार्यक्रम ल्याएको प्रकाश पारे । साथै संस्थाले बीमा लगायत सुत्केरी पोषण उच्च शिक्षा छात्रवृत्ति गम्भीर रोग उपचार सहयोग प्राकृतिक प्रकोप राहत उद्यमशीलता सन्देश लघुउद्यम सीप विकास कार्यक्रम लगायत ग्राहकमैत्री कार्यक्रम समय सापेक्ष ल्याउँदै जाने बताए ।  कार्यक्रममा केन्द्र सदस्य लगायत स्थानीय बुद्धिजिवीको उपस्थितिमा सम्पन्न भएको थियो ।