काठमाण्डौ । स्वस्तिक लघुवित्त वित्तीय संस्था लि.(स्वस्तिक) को शेयरमूल्यमा पहिरो गएको छ ।
आइतबार प्रतिकित्ता रु. ३४ सयसम्म पुगेको स्वस्तिको मूल्यमा सोमबार पनि गिरावट देखियो ।
हाल स्वस्तिकको शेयर डिष्ट्रीब्युसन(वितरण) फेजमा छ । यसको र्याली डाउनट्रेण्ड रहेको छ । अब अझै तल झरेपछि न्यून मूल्यमा मात्रै उक्त कम्पनीको शेयर खरिद गर्न उपयुक्त हुनेछ ।
स्वस्तिकले लगातार सर्किट लेभलको र्याली देखाएर ५–६ सयबाट सीधै ३४ सम्म पुगेको थियो । यसले ठूलो वियरिस रिजेक्सन साथै प्रफिट बुकिङ्गका कारण अत्याधिक बिक्री चाप देखिन्छ ।
पछिल्ला दिनहरुमा असामान्य भोल्युम देखिएको छ । उच्च मूल्यमा कम्पनीको शेयरभाउ घट्दै गइरहेका कारण स्मार्ट मनी बाहिरिएको प्रष्ट देखिन्छ ।
कम्पनीको ३ हजार रेजिस्टेन्स लेभल रहेको छ भने सपोर्ट लेभल २५ सय ५० मा देखिन्छ । प्यानिक सेल आयो भने स्वस्तिको शेयरमूल्य २ हजार मुनि चाँडै आउने सम्भावना छ ।
कम्पनीको सर्टटर्म ट्रेण्ड वियरिस रहेको छ । शेयर खरिद गर्दा उच्च जोखिमको प्रबल सम्भावना छ ।
हाल लगातार घटिरहेको स्वस्तिको शेयर खरिद गर्नु बुद्धिमतापूर्ण हुनेछैन । रिस्क रिवार्ड खराब रहेको छ ।
सोमबार स्वस्तिकको अन्तिम मूल्य रु.२७ सय ४० कायम भएको छ । यो दिन कम्पनीको कुल २२ हजार ५४० कित्ता शेयर खरिदबिक्री भएको थियो ।
चेतावनी : यो समाचारले तपाईं उत्तेजित हुन सक्नुहुन्छ । शेयर बजार जोखिमले भरिपूर्ण भएकाले स्वविवेकमा लगानी गर्न आग्रह गर्दछौँ ।
सावधान : यहाँ प्रदान गरिएको जानकारी केबल जानकारीको लागि मात्र दिइएको छ । यहाँ यो उल्लेख गर्न जरुरी छ कि बजारमा लगानी बजार जोखिमको अधीनमा हुन्छ । लगानीकर्ताको रूपमा पैसा लगानी गर्नु अघि सधैं विशेषज्ञको सल्लाह लिनुहोस् । अर्थबिट डटकम यहाँ कसैलाई पैसा लगानी गर्न सल्लाह दिदैन। स्वविवेक र स्वअध्ययनमा लगानी गर्न आग्रह गर्दछौं ।
.jpg)
.jpg)
