बलेफी हाइड्रोपावरमा २० लाख बढीले दिए आवेदन

काठमाण्डौ।बलेफी हाइड्रोपावर लिमिटेडले सर्वसाधारणको लागि निष्काशन गरेको साधारण सेयरमा झन्डै २० लाख बढीको आवेदन परेको छ।

चैत १६ गतेदेखि निष्काशन भएको बलेफी हाइड्रोको आइपीओमा निष्काशनको चौथो दिन अर्थात आज अन्तिम दिनमा २० लाख ५ हजार ७४९ आवेदकबाट २ करोड ४५ लाख ६९ हजार ७७० कित्ता आवेदन परेको बिक्री प्रबन्धक ग्लोबल आइएमई क्यापिटले जानकारी दिएको छ ।  यो भनेको १४.७७ गुणाले बढी हो।  

बलेफी हाइड्रोले सर्वसाधारणलाई १८ लाख २७ हजार ९ सय ७० कित्ता शेयर निष्काशन गरेको हो । जस मध्ये ४ प्रतिशत अर्थात् ७३ हजार १ सय १९ कित्ता कम्पनीका कर्मचारीलाई सुरक्षित गरिएको छ भने ५ प्रतिशत अर्थात् ९१ हजार ३ सय ९८ कित्ता सामुहिक लगानी कोषहरुको लागि बाँडफाँड गरिएको छ । 

बाँकी रहेको १६ लाख ६३ हजार ४ सय ५३ कित्ता सर्वसाधारणको लागि खुला गरिएको थियो।