.gif)
काठमाण्डौ।नेपाल स्टक एक्सचेन्ज(नेप्से)मा प्राइम कमर्सियल बैंकसहित ४ कम्पनीको मूल्य समायोजन गरेको छ ।
साधारणसभा तथा लाभांश वितरण प्रयोजनार्थ प्राइम कमर्सियल बैंक,नेपाल बैंक लिमिटेड,एचआइडीसीएल र मितेरी डेभलपमेन्ट बैंकले बुक क्लोज गरेसँगै नेप्सेले आज ४ वटै कम्पनीको शेयरमूल्य समायोजन गरी नयाँ मूल्य निर्धारण गरेको हो ।
नेप्सेले यस दिन प्राइम बैंकको ४ प्रतिशत बोनस शेयर समायोजन गरेको हो । मूल्य समायोजनपश्चात् बैंकको शेयरमूल्य रु.२२० दशमलव १० कायम गरिएको छ ।
नेप्सेले यस दिन नेपाल बैंकको २ प्रतिशत बोनस शेयर समायोजन गरेको हो । मूल्य समायोजनपश्चात् बैंकको शेयरमूल्य रु.२८० दशमलव ८८ कायम गरिएको छ ।
यसैगरी नेप्सेले यस दिन एचआइडीसीएलको ५ प्रतिशत बोनस शेयर समायोजन गरेको छ । मूल्य समायोजनपश्चात् एचआइडीसीएलको रु१७७ दशमलव १४ कायम गरिएको छ ।
यसैबीच नेप्सेले यस दिन मितेरी डेभलपमेन्ट बैंकको १२.३५ प्रतिशत बोनस शेयर समायोजन गरेको हो । मूल्य समायोजनपश्चात् बैंकको शेयरमूल्य रु.३६४ दशमलव ९३ कायम गरिएको छ ।
नेप्सेले आजको कारोबार दिनको अन्तिम मूल्यका आधारमा ४ वटै कम्पनीको शेयरमूल्य समायोजन गरेको हो।
यही समायोजित मूल्यका आधारमा भोलि दोस्रो बजारमा ४ कम्पनीका शेयर कारोबार खुल्नेछन्।
&format=webp&quality=medium)
.jpg)
